عمران خان اور شیخ رشید جھوٹا بیانیہ بنانے کے علاوہ کچھ نہیں جانتے، رانا ثناء اللہ

301
وزیر داخلہ رانا ثنا اللہ کی پاک ایران سرحد پر سیکیورٹی فورسز پر حملے کی مذمت

‎  اسلام آباد۔12جولائی (اے پی پی):وفاقی وزیر داخلہ رانا ثناء اللہ خان نے عمران خان اور شیخ رشید کو "مسٹر فراڈئیے” قرار دے دیتے ہوئے کہا ہے کہ یہ دونوں سیاسی مخالفین کو غداری سے لنک کرنے اور چور کا جھوٹا بیانیہ بنانے کے علاوہ کچھ نہیں جانتے،پہلے سیاست میں نعوذباللہ اسلامک ٹچ دینے کی ناکام کوشش کی، کوئی کارکردگی نہیں، اب سیاسی مخالفین کو بشری بی بی کے حکم پہ غداری سے لنک کرنے کے علاوہ کوئی بیانیہ نہیں۔

منگل کو یہاں صحافیوں سے گفتگو کرتے ہوئے وزیر داخلہ رانا ثناء الله خان نے کہا کہ ہم ‘سی پیک’ بچانے پر لگے ہیں، مسٹر فراڈیا ‘گوگی پنکی اکنامک کوریڈور’ بچانے پر لگا ہوا ہے،‎چار سال میں ثابت ہوگیا عمران خان نہ صادق ہے اور نہ امین ہے۔

انہوں نے کہا کہ‎سابق مرد اول اور خاتون اول دونوں ہی کرپشن میں اول آئے ہیں، ‎چور چور کے نعرے لگانے والے چار سال میں ایک سیاسی مخالف کو چور ثابت نہ کرسکا ، دھونس دھاندلی اورہر جائز وناجائز اختیار ہونے کے باوجود مخالفین کے خلاف ایک روپے کی کرپشن ثابت نہیں کرسکا ۔

انہوں نے کہا کہ امریکہ کی چپکے چپکے چوری چوری منتیں ترلے اور جلسوں میں سیاسی مخالفین کو غداری کے ساتھ لنک کرنے کا بیانیہ، عوام سب جانتی ہے، ان فراڈیوں کو پہچانتی ہے،‎عمران نیازی نے چار سال عوام کو مہنگائی اور معاشی تباہی کے ذریعے تگنی کا ناچ نچایا۔

انہوں نے کہاکہ‎آئی ایم ایف سے معاہدہ باس عمران خان نے کیا آج ماتم کرکے عوام کو نیا دھوکہ نہیں دے سکتے، عمران نیازی اور بشریٰ بی بی نے خیرات، قیراط، ہیرے جواہرات، انگوٹھیاں اور گھڑیاں سب کچھ ہضم کرلیا ۔ انہوں نے کہا کہ جلسوں میں عوام سے معافیاں مانگیں دھمکیاں نہ دیں، فتنہ فساد کے مقدر میں اب صرف اپنی ناکامیوں اور فراڈ پہ ماتم کرنا لکھا ہے۔