گلگت ۔27اگست (اے پی پی):قراقرم انٹرنیشنل یونیورسٹی نے بی ایس خزاں کے مختلف پروگراموں میں داخلوں کی تاریخ میں توسیع کا اعلان کردیا۔ڈائریکٹر پبلک ریلیشنز میر تعظیم اختر کے مطابق بی ایس خزاں کے مختلف پروگراموں میں داخلوں کی تاریخ میں توسیع کرتے ہوئے یکم ستمبر2023 تک بڑھا دیاگیاہے۔لہذا داخلہ لینے کے خواہشمند طلبہ و طالبات مکمل کوائف کے ساتھ آن لائن داخلے کے لیے اپلائی کرسکتے ہیں۔
داخلے کے حوالے سے مزید معلومات کے لیے یونیورسٹی کے ایڈیشنل ڈائریکٹر سٹوڈنٹس افیئرز کے دفتر یا پھر ویب سائٹ پر ملاحظہ کرسکتے ہیں۔ یاد رہے کہ قراقرم انٹرنیشنل یونیورسٹی نے بی ایس خزاں کے داخلوں میں توسیع کا اعلان ملک بھر کےثانوی بورڈزکے نتائج کے اعلان میں تاخیر کے باعث طلبہ وطالبات اور ان کے والدین کی طرف سے خصوصی طور پر توسیع کرنے کی درخواست پر کیا گیاہے۔
Short Link: https://urdu.app.com.pk/urdu/?p=383244
