سیالکوٹ۔25فروری (اے پی پی):ڈائریکٹر زراعت پیسٹ وارننگ و کوالٹی کنٹرول اآف پیسٹی سائیڈزڈاکٹر مقصود احمد نے محکمہ زراعت کے حکام کے ہمراہ چپراڑ روڈ پر واقع مختلف ڈیلرز کی دوکانوں کا معائنہ کیا ۔
ڈائریکٹر زراعت پیسٹ وارننگ و کوالٹی کنٹرول اآف پیسٹی سائیڈزڈاکٹر مقصود احمد نے بتایا کہ بعض مقامات پر جعلی، ناقص، غیر معیاری کھادوں کی فروخت کی شکایات کا فوری سختی سے نوٹس لیتے ہوئے جعلی کھادوں کی تیاری و فروخت روکنے کیلئے کھاد ڈیلرز کی پڑتال شروع کردی گئی ہے جبکہ محکمہ کے زرعی افسران پر مشتمل چیکنگ ٹیمیں تشکیل دے دی گئی ہیں جو مختلف ڈیلرز کی اچانک پڑتال کریں گی اور جعلی کیمیائی کھادوں کی تیاری و فروخت میں ملوث افراد کے ساتھ آہنی ہاتھوں سے نمٹا جائے گا۔
انہوں نے بتا یا کہ جعلی کھاد تیار و فروخت کرنے والوں کے خلاف فوجداری مقدمات بھی درج کرواے جائیں گے تاکہ ذمہ داران کو گرفتار کر کے کیفر کردار تک پہنچایا جاسکے۔ انہوں نے کہا کہ جعلی و غیر معیاری اور ملاوٹ شدہ کھادوں کے استعمال سے جہاں کاشتکاروں کو انتہائی زیادہ مالی بوجھ برداشت کر نا پڑتا ہے وہیں بروقت مناسب کھاد نہ ملنے سے فصلات کی پیداوار بھی متاثر ہو رہی ہے۔
انہوں نے بتا یا کہاس ضمن میں کسی غفلت کو برداشت نہیں کیا جائے گا۔انہوں نے کاشتکاروں سے بھی اپیل کی کہ وہ جس ڈیلرزسے کھاد خریدیں اس سے رسید ضرور حاصل کریں تاکہ بوقت ضرورت کارروائی میں آسانی ہوسکے۔
Short Link: https://urdu.app.com.pk/urdu/?p=565901
