اسلام آباد۔27جنوری (اے پی پی):ملک میں ایل پی جی کی پیداوارمیں جاری مالی سال کے دوران سالانہ بنیادوں پراضافہ جبکہ ماہانہ بنیادوں میں کمی ریکارڈکی گئی ہے۔پاکستان بیوروبرائے شماریات کی جانب سے اس حوالہ سے جاری کردہ اعدادوشمارکے مطابق جاری مالی سال کے پہلے 5 ماہ میں ملک میں ایل پی جی کی پیداوارمیں سالانہ بنیادوں پر8.60 فیصد جبکہ نومبرمیں ماہانہ بنیادوں پر 2.23 فیصد کی کمی ریکارڈکی گئی ہے ۔
اعدادوشمارکے مطابق جولائی تا نومبر2021 ملک میں 380,513000 لیٹرایل پی جی کی پیداوارریکارڈکی گئی جو گزشتہ مالی سال کی اسی مدت کے مقابلہ میں 8.60 فیصدزیادہ ہے، گزشتہ مالی سال کی اسی مدت میں ملک میں ایل پی جی کی000 350,380 لیٹر پیداوارریکارڈکی گئی تھی۔
نومبرکے مہینہ میں ملک میں 74,707000 لیٹرایل پی جی کی پیداوارریکارڈکی گئی جو گزشتہ سال نومبرکے مقابلہ میں 2.23 فیصد کم ہے،نومبر2020 میں ملک میں 76,411000 لیٹرایل پی جی کی پیداوارریکارڈکی گئی تھی۔واضح رہے کہ جاری مالی سال میں ملک میں بڑی صنعتوں کی پیداوارمیں 3.26 فیصدکی نموریکارڈکی گئی ہے۔
