مکہ۔6جون (اے پی پی):مکہ مکرمہ میں عازمین حج کے لیے 3 ہزار رہائش گاہیں اور ہوٹلوں میں ڈھائی لاکھ کمرے مختص کر دیئے گئے ہیں۔
اس تناظرمیں قومی کمیٹی برائے حج، عمرہ و زیارت کے رکن اور مکہ مکرمہ میں ہوٹلز کمیٹی کے رکن ہانی العمیری نے العربیہ ٹی وی کو بتایا کہ مکہ مکرمہ میں حجاج کرام کے قیام کے لیے 3000 سے زائد رہائش گاہیں جبکہ مکہ مکرمہ میں ہوٹلوں کے تقریباً2 لاکھ 50 ہزار کمرے حجاج کرام کے قیام کے لیے تیار ہیں اور ان کمروں میں حجاج کرام کے لیے بین الاقوامی معیار کی سہولیات فراہم کی گئی ہیں۔
انہوں نے کہا کہ حفظان صحت کے اصولوں کا خاص خیال رکھا گیا ہے اور ہوٹلوں میں سینی ٹائزر کے استعمال کو لازمی قرار دیا گیا ہے۔دوسری جانب عازمین حج کی رہائش کے لیے عمارتوں کے اجازت نامے جاری کرنے کی مدت ختم ہو گئی ہے۔
