لاہور۔12جولائی (اے پی پی):معروف شاعر و فلم ساز سیف الدین سیف کی 31 ویں برسی 12 جولائی بروز جمعہ کو منائی گئی،انہیں اپنے مداحوں سے بچھڑے31 برس بیت گئے۔شاعر سیف الدین سیف20 مارچ 1922 کو امرتسر کے ادبی گھرانے میں پیدا ہوئے،قیام پاکستان کے بعد وہ ہجرت کر کے پاکستان آگئے اور لاہور میں فلم انڈسٹری سے وابستہ ہو گئے۔انہوں نے بے شمار خوبصورت گیت لکھے، فلم ہچکولے،7 لاکھ،امرائو جان ادا،انارکلی،نویلی دلہن،لخت جگر،تہذیب،انجمن اور شمع پروانہ سمیت متعدد فلموں کیلئے نغمات تحریر کئے۔
سیف الدین سیف نے اپنے ذاتی ادارے رہنما فلمز کے تحت فلمیں بھی بنائیں جن میں7 لاکھ اور کرتار سنگھ شامل ہیں۔ سیف نے فلمی دنیا میں رہنے کے باوجود ادب سے تعلق بھی برقرار رکھا،ان کے مطبوعہ مجموعہ کلام میں خمِ کا کل،کفِ گل فروش اور دور دراز شامل ہیں۔ان کی شاعری معاشرے کے مسائل اور زندگی کے حقائق کو حقیقت پسندانہ انداز میں بیان کرنے میں کمال رکھتی ہے۔سیف الدین سیف 12 جولائی 1993 کو دنیائے فانی سے کوچ کر گئے ۔
Short Link: https://urdu.app.com.pk/urdu/?p=484079
