اسلام آباد ۔ 26 اگست (اے پی پی) وزارت منصوبہ بندی ترقی واصلاحات وخصوصی اقدامات نے سرکاری شعبہ کے ترقیاتی پروگراموں میں کابینہ ڈویژن کے ترقیاتی منصوبوں کے لئے مجموعی طور پر اب تک9 ارب 56کروڑ روپے سے زائد کے فنڈز جاری کردیئے ہیں۔ پلاننگ کمیشن کی طرف سے جاری کردہ اعدادوشمار کے مطابق حکومت نے رواں مالی سال کے دوران اس ڈویژن کے ترقیاتی کاموں کے لیے47ارب 80کروڑ روپے سے زائد کے فنڈز مختص کئے گئے ہیں۔
