اسلام آباد۔16اگست (اے پی پی):وزیراعظم محمد شہباز شریف سے آغا خان فائونڈیشن کے ڈائریکٹر سلطان علی الانہ نے یہاں ملاقات کی۔وزیراعظم نے پاکستان میں عوامی فلاح و بہبود کے فروغ کے لیے آغا خان فائونڈیشن کے کردار کو سراہا۔جمعہ کو وزیراعظم میڈیا آفس سے جاری بیان کے مطابق سلطان علی الانہ نے ملک میں معاشی استحکام لانے پر وزیراعظم کو خراج تحسین پیش کیا۔
سلطان علی الانہ نے وزیراعظم شہباز شریف کی قیادت میں حکومت پاکستان کی کاروبار دوست پالیسیوں کو مقامی کاروبار اور بیرونی سرمایہ کاری کے لئے خوش آئند قرار دیا۔ وزیراعظم نے پاکستان میں عوامی فلاح و بہبود کے فروغ کے لیے آغا خان فائونڈیشن کے کردار کو سراہا۔ وزیراعظم نے جناح میڈیکل کمپلیکس کی تعمیر میں بھرپور تعاون اور کنسلٹنسی خدمات فراہم کرنے پر آغا خان فائونڈیشن کا شکریہ ادا کیا۔
Short Link: https://urdu.app.com.pk/urdu/?p=494570
