پاکستان مرکنٹائل ایکسچینج میں 7.47 بلین روپے کے سودے طے پا گئے

کراچی ۔ 15 دسمبر (اے پی پی) پاکستان مرکنٹائل ایکسچینج (پی ایم ای ایکس) میں 7.47 بلین روپے کے سودے ہوئے۔ جمعرات کو پی ایم ای ایکس سے جاری کردہ رپورٹ کے مطابق پی ایم ای ایکس کموڈٹی انڈیکس 3055 پوائنٹس کی سطح پر بند ہوا۔ مجموعی طور پر میٹلز، انرجی اور کوٹس/فاریکس کے 7.46 بلین روپے مالیت کے سودے ہوئے۔ سودوں کی مجموعی تعداد 17368 رہی۔ سب سے زیادہ سودے سونے کی ہوئے جن کی مالیت 3.27 بلین روپے رہی جبکہ کرنسیزکے بذریعہ کوٹس ہونے والے سودوں کی مالیت 2.33 بلین روپے، خام تیل کے سودے کی مالیت 1.59 بلین روپے، چاندی کے سودوں کی مالیت 252.33 ملین روپے اور کاپر کے سودوں کی مالیت 16.06 ملین روپے رہی۔ اس کے علاوہ ایگریکلچرل کموڈیٹیز میں لال مرچ کی 68481 لاٹس کے سودے ہوئے جن کی مالیت 12.18 ملین روپے رہی۔

Short Link: https://urdu.app.com.pk/urdu/?p=33726