پاکستان کرکٹ ٹیم کی انتظامیہ کی غیر ملکی شائقین کی جانب سے قومی کرکٹرز سے بد زبانی کی مذمت

ماؤنٹ مانگانوئی۔5اپریل (اے پی پی):پاکستان کرکٹ ٹیم کی انتظامیہ نے غیر ملکی شائقین کی جانب سے قومی کرکٹرز سے بد زبانی کی مذمت کرتے ہوئے کہا ہے کہ غیر ملکی شائقین نے گراؤنڈ میں موجود پاکستانی کھلاڑیوں کے بارے میں نازیبا الفاظ ادا کیے۔

پی سی بی کا کہنا ہے کہ ہفتہ کو ماؤنٹ مانگانوئی میں کھیلے گئے سیریز کے آخری ون ڈے میچ کے دوران غیر ملکی شائقین نے گراؤنڈ میں موجود پاکستانی کرکٹرز کے بارے میں نازیبا زبان استعمال کی۔ کرکٹر خوشدل شاہ نے پاکستان مخالف آوازیں کسنے پر غیر ملکی شائقین کو منع کیا۔

منع کرنے پر افغان شائقین نے پشتو میں مزید نازیبا الفاظ ادا کیے۔ دو افغان شائقین نے خوشدل شاہ سے ہاتھا پائی کی کوشش بھی کی۔ پاکستان ٹیم کی شکایت پر دونوں غیر ملکی شائقین کو اسٹیڈیم سے باہر نکال دیا گیا۔

Short Link: https://urdu.app.com.pk/urdu/?p=578735