اسلام آباد۔11دسمبر (اے پی پی):محکمہ موسمیات کے مطابق آئندہ 24 گھنٹوں کے دوران اسلام آبادسمیت پنجاب اور ملک کے دیگر علاقوں میں موسم خشک اور سرداور پنجاب کے میدانی علاقوں اور بالائی سندھ میں دھند چھائے رہنے کا توقع جبکہ شمالی بلوچستان میں موسم شدید سرد اورخطہ پوٹھوہار،بالائی خیبر پختونخوا، کشمیر اور گلگت بلتستان میں مزید بارش اور پہاڑوں پر برفباری کا امکان ہے۔گذشتہ 24 گھنٹوں کے دوران جنوبی پنجاب، خیبر پختونخوا،بالائی سندھ، بلوچستان اور گلگت بلتستان میں بارش ہوئی۔ سب سے زیادہ بارش بلوچستان،خضدار 7، نوکنڈی 3،دالبندین 2،پنجاب ، ڈیرہ غازی خان 2،خیبر پختونخوا،دیراپر 6، لوئر ایک، سندھ، جیکب آباد4، گلگت بلتستان، استور میں ایک ملی میٹر بارش ریکارڈ کی گئی ،جبکہ استور میں ایک انچ برفباری بھی ریکارڈ ہوئی۔رپورٹ کے مطابق کم سے کم درجہ حرارت، لہہ منفی 7،گوپس ، کالام ،پاراچنار منفی 4، سکردومنفی 3، مالم جبہ ،بگروٹ اوراستور میں منفی 2 ڈگری سینٹی گریڈریکارڈ کیا گیا۔
