اسلامی یکجہتی گیمز: یوگنڈا کی ویرو نیکا آیُو دو مقابلوں میں شکست کا شکار

خرم شہزاد

ریاض۔19نومبر (اے پی پی):چھٹی اسلامی یکجہتی گیمز کے ریسلنگ ایونٹ میں یوگنڈا کی ویرو نیکا آیُو بدھ کو پول بی کے دونوں مقابلوں میں ناکام رہیں۔ بولیوارڈ ایس ای ایف ایرینا 01B میں کھیلے گئے مقابلوں میں قرغیزستان کی سیزِم جومانا زاروا نے انہیں 0-10 سے شکست دی، جبکہ دوسرے میچ میں الجزائر کی ٹیکوک اے۔ جمیلہ نے 0-4 سے کامیابی حاصل کی۔

آیُو کے بعد جمعرات کو یوگنڈا کی ریبیکا اسرائیل آمونگی ایکشن میں آئیں گی، جبکہ جمعے کو راجر مُکییدا اپنا مقابلہ لڑیں گے۔ یوگنڈا نے ان گیمز میں سات کھیلوں میں شرکت کی ہے، جن میں تیراکی، باکسنگ، ویٹ لفٹنگ، ٹیبل ٹینس، ایتھلیٹکس، ریسلنگ اور پیرا پاور لفٹنگ شامل ہیں۔