اسلام آباد سمیت ملک کے بیشتر علاقوں میں آئندہ 24 گھنٹوں کے دوران موسم گرم اور خشک رہے گا، محکمہ موسمیات

اسلام آباد ۔ 22 ستمبر (اے پی پی) محکمہ موسمیات نے کہا ہے کہ آئندہ 24 گھنٹوں کے دوران اسلام آباد راولپنڈی سمیت ملک کے بیشتر علاقوں میں موسم گرم اور خشک رہے گا، تاہم بالائی خیبر پختونخوا، گلگت بلتستان اور کشمیر میں چند مقامات پر ہلکی بارش کا امکان ہے ۔ گزشتہ 24 گھنٹوں کے دوران ملک کے بیشتر علاقوں میں موسم گرم اور خشک رہا،زیادہ سے زیادہ درجہ حرارت تربت 44،نورپورتھل ، لسبیلہ، سکھراور دادو میں42 ڈگری سینٹی گریڈریکارڈ کیا گیا۔