افغانستان میں بارش کے حادثات کے باعث61 افراد جاں بحق ، 116 زخمی

کابل۔4اپریل (اے پی پی):افغانستان میں حالیہ بارشوں کے سبب پیش آنے والے حادثات میں کم از کم 61 افراد جاں بحق، 116 زخمی اور 4 لاپتہ ہو گئے ہیں۔ شنہوا کے مطابق افغان حکومت کے ترجمان ذبیح اللہ مجاہد نے بتایا کہ زیادہ تر ہلاکتیں ملک کے جنوبی اور مغربی صوبوں میں ہوئی ہیں۔

شدید بارش اور متعلقہ قدرتی آفات کے باعث 2,448 مکانات جزوی یا مکمل طور پر تباہ ہوئے اور 26,841 ایکڑ زرعی زمین بہا کر لے جائی گئی، جو افغانستان کے 34 میں سے 25 صوبوں میں پھیلا ہوا ہے۔افغانستان کے موسمیات کے ادارے نے آئندہ دنوں میں مزید شدید بارش کی پیش گوئی کرتے ہوئے خاص طور پر دور دراز اور کمزور علاقوں میں سیلاب کے بڑھتے خطرے کی وارننگ جاری کی ہے۔