فخر زمان نے این سی اے میں تین ماہ فٹنس پر کام کیا، چیمپئنز کپ میں دو سنچریاں جڑ دیں

لاہور۔15اگست (اے پی پی):قومی کرکٹر فخر زمان نے کہا ہے کہ انہوں نے گزشتہ تین ماہ نیشنل کرکٹ اکیڈمی (این سی اے) میں میڈیکل ڈیپارٹمنٹ کے ساتھ اپنی فٹنس پر کام کیا، جہاں ان کا انتہائی پروفیشنل انداز میں خیال رکھا گیا۔

پی سی بی ڈیجیٹل کے پروگرام میں سابق کپتان سلمان بٹ سے گفتگو کرتے ہوئے فخر زمان کا کہنا تھا کہ انہوں نے ہر موسم میں کرکٹ کھیلی ہے اور اس وقت ملتان کے موسم کو انجوائے کر رہے ہیں۔ ملتان کی وکٹ کے حوالے سے انہوں نے کہا کہ جو بلے باز صبر اور تحمل کے ساتھ کھیل رہے ہیں، انہیں کامیابی مل رہی ہے۔انہوں نے کہا کہ این سی اے میں فٹنس پر کام کے دوران میڈیکل ڈیپارٹمنٹ نے ان کی بہترین انداز میں دیکھ بھال کی، جس سے انہیں اپنی فٹنس بہتر بنانے میں مدد ملی۔فخر زمان نے نیشنل چیمپئنز کپ میں اب تک دو میچز کھیلے ہیں اور دونوں میں شاندار سنچریاں اسکور کرنے کے ساتھ ساتھ پلیئر آف دی میچ کا اعزاز بھی حاصل کیا ہے