انگلینڈ اور ویسٹ انڈیز کی ٹیموں کے درمیان ٹی ٹونٹی سیریز کاپہلا میچ (جمعہ کو)کھیلا جائے گا

لندن۔5جون (اے پی پی):انگلینڈ اور ویسٹ انڈیز کی ٹیموں کے درمیان 3 ٹی ٹونٹی بین الاقوامی کرکٹ میچوں کی سیریز کا آغاز کل (جمعہ کو) ہوگا ، پہلا میچ ریور سائیڈ گراؤنڈ، چیسٹر لی سٹریٹ میں کھیلا جائے گا۔اس سے قبل انگلینڈ کی مردوں کی قومی کرکٹ ٹیم نے تین ایک روزہ بین الاقوامی میچوں کی سیریز میں 0-3 سے کلین سویپ کیا ہے۔

انگلینڈ اینڈ ویلز کرکٹ بورڈ (ای سی بی )کے مطابق مہمان ویسٹ انڈیز کی مردوں کی قومی کرکٹ ٹیم اپنے دورہ انگلینڈ کے دوران انگلینڈ کی ٹیم کے خلاف 3 ایک روزہ بین الاقوامی میچوں کی سیریز کے علاوہ تین ٹی ٹونٹی میچوں کی سیریز بھی کھیلے گی۔

تین ون ڈے میچوں کی سیریز مکمل ہوچکی ہے جو میزبان انگلینڈ کی ٹیم نے 0-3 سے جیت لی ہے۔ون ڈے سیریز مکمل ہونے کے بعد ویسٹ انڈیز کی ٹیم چیسٹرلی سٹریٹ پہنچے گی جہاں وہ میزبان انگلینڈ کے خلاف تین ٹی ٹونٹی میچوں کی سیریز کا پہلا میچ 6جون کو کھیلے گی اور یہ میچ ریور سائیڈ گراؤنڈ، چیسٹر لی سٹریٹ میں کھیلا جائے گا۔

انگلینڈ کی ٹیم کو ہیری بروک لیڈ کریں گے جبکہ ویسٹ انڈیز کی ٹیم کی قیادت شائی ہوپ کریں گے۔دونوں ٹیموں کے درمیان تین ٹی ٹونٹی میچوں کی سیریز کا دوسرا میچ 8 جون کو کائونٹی گرائونڈ برسٹل میں جبکہ تیسرا اور آخری ٹی ٹونٹی میچ 10جون کو روز بائول،سائوتھمپٹن میں کھیلا جائے گا۔ تین ٹی ٹونٹی میچز کی سیریز کا پہلا اور تیسرا میچ نائٹ ہوگا اور فلڈ لائٹس میں کھیلا جائے گا۔