اسلام آباد۔30جنوری (اے پی پی):آئندہ 24 گھنٹوں کے دوران ملک کے بیشترعلاقوں میں موسم سرد اورخشک رہے گا ۔
تاہم بالائی خیبر پختونخواہ ، گلگت بلتستان، کشمیر اور اس سے ملحقہ پہاڑی علاقوں میں مطلع ابر آلود رہنے کا امکان ہے۔اتوار کو محکمہ موسمیات کی جاری رپورٹ کے مطابق آج پیر کے روز ملک کے بیشترعلاقوں میں موسم سرد اورخشک رہے گا تاہم بالائی خیبر پختونخواہ ،
گلگت بلتستان، کشمیر اور اس سے ملحقہ پہاڑی علاقوں میں چند مقامات پر بارش اور پہاڑوں پر ہلکی برفباری کا امکان ہے۔
پنجاب کے بعض میدانی علاقوں اوربالائی سندھ میں صبح اور رات کے اوقات میں دھند پڑنے کا بھی امکان ہے۔گذشتہ 24 گھنٹے کا موسم ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہا۔اتوار کو ریکارڈ کیےگئےکم سےکم درجہ حرارت:
لہہ منفی 12، کالام منفی 11 ، گوپس منفی 10 ، اسکردو منفی 08 ، استور منفی07،ہنزہ ، پاراچنار، بگروٹ منفی 05 ، گلگت ، دیر ، راولاکوٹ منفی 03 ، قلات ، دورش، میر کھانی منفی 02 ، اور مری میں منفی 01ڈگری سینٹی گریڈ ریکارڈ کیا گیا۔
