اسلام آباد۔30جنوری (اے پی پی):وفاقی وزیر برائے اطلاعات و نشریات چوہدری فواد حسین نے کہا ہے کہ وزیر قانون فروغ نسیم کا سوال اہمیت کا حامل ہے کہ اگر جج صاحبان اپنے بیوی بچوں کے اثاثوں کے ذمہ دار نہیں تو سیاستدانوں اور بیورو کریٹس کا احتساب کیسے ممکن ہے؟۔
اتوار کو اپنے ایک ٹویٹ میں انہوں نے کہا کہ عدلیہ کو عالمی درجہ بندی میں اپنی تیزی سے گرتی ہوئی ساکھ کا جائزہ لینے کی ضرورت ہے۔ نئے چیف جسٹس جب حلف لیں گے تو انہیں اس چیلنج کا سامنا ہوگا۔
