اگر کیمیائی ہتھیاروں کا پھر استعمال ہوا تو ہم بھی پوری طرح دوبارہ حملہ کرنے کے لیے تیار ہیں، ٹرمپ

واشنگٹن ۔ 15 اپریل (اے پی پی) امریکہ کے صدر ڈونلڈ ٹرمپ نے شامی حکومت کو خبردار کرتے ہوئے کہا ہے کہ اگر شام نے اپنے شہریوں پر مزید کیمیائی حملے کیے تو امریکہ اس پر دوبارہ حملہ کرنے کے لیے ‘پوری طرح تیار ہے۔برطانوی نشریاتی ادارے کے مطابق امریکی صدر کی یہ تنبیہ امریکہ اور اس کے دو اور اتحادیوں کے اس حملے کے بعد آئی ہے جب انھوں شامی حکومت کی جانب سے گذشتہ ہفتے دوما میں کیے جانے والے مبینہ کیمیائی حملے کے جواب میں گذشتہ روز شام کے تین مقامات پر میزائلوں سے حملہ کیا۔