ایس ای سی پی نے "شیئر ہولڈرز کے اجلاس عام ” بارے کمیٹی رپورٹ عوامی رائے رامہ کے لئے جاری کر دی

اسلام آباد۔29فروری (اے پی پی):سکیورٹیز اینڈ ایکسچینج کمیشن آف پاکستان (ایس ای سی پی) نے لسٹڈ کمپنیوں کی جانب سے شیئر ہولڈرز کے سالانہ اجلاس منعقد کرنے کے طریقہ کار کا جامع جائزہ لینے اور اس حوالے سے اصلاحات کی سفارشات کرنے کے لیے ماہرین کی ایک کمیٹی تشکیل دی تھی۔سکیورٹی ایکسچینج کمیشن آف پاکستان کی جانب سے جاری پریس ریلیز کے مطابق کمیٹی نے اپنی رپورٹ کمیشن کو پیش کر دی ہے ۔

رپورٹ میں شیئر ہولڈرز کے سالانہ اجلاس کے انعقاد، ڈائریکٹرز کے انتخاب، پراکسیز، ووٹنگ کے عمل اور نگرانی کے طریقہ کار، اقلیتی حصص یافتگان کو درپیش مسائل کے حل اور موثر شرکت کو یقینی بنانے اور کارکردگی کو بہتر بنانے کے لئے کئی ایک سفارشات پیش کی گئی ہیں۔ ایس ای سی پی نے ماہرین کی کمیٹی کی رپورٹ کو عوامی مشاورت کے لیے ایس ای سی پی کی ویب سائٹ پر فراہم کر دیا ہے۔ تمام سٹیک ہولڈرز بالخصوص لسٹڈ کمپنیاں اس رپورٹ پر 30 مارچ 2024 سے پہلے اپنی تجاویز و آراء کمیشن کو بھجوا سکتی ہیں۔