ایف ڈی ای کا 32 تعلیمی اداروں میں میٹرک ٹیک پروگرام کے نئے سیشن کا آغاز

اسلام آباد۔5اپریل (اے پی پی):وفاقی نظامت تعلیمات اسلام آباد نے ’’تعلیم بھی ہنر بھی‘‘ کے منشور کے ساتھ اسلام آباد کے 32 تعلیمی اداروں میں میٹرک ٹیک پروگرام کے نئے سیشن کا آغاز کردیا ہے،جس کے تحت جماعت نہم میں نصابی کتب کے ساتھ ٹیکنیکل تعلیم بھی دی جائے گی۔نظامت کی طرف سے جاری تفصیلات کے مطابق گریڈ 8 میں کامیاب طلبا و طالبات کے لئے 8 ٹیکنیکل شعبوں میں داخلہ کی پیش کش کی گئی ہے۔

جن میں آئی او ٹی و ڈیٹا کوڈنگ،انڈسٹریل الیکٹریشن،گراف ڈیزائنگ و میڈیا پروڈکشن،پلمبر و سولر واٹر ہیٹنگ سسٹم،فیشن ڈیزائنگ و ڈریس میکنگ،پروفیشنل شیف،ہئیر اینڈ بیوٹی سروسز اور ہوٹل منیجمنٹ شامل ہے۔رجسٹریشن فارمز 6 اپریل تک جمع کروائے جاسکیں گے۔