ایسٹبورن۔28جون (اے پی پی):یوکرین کی ٹینس کھلاڑی لیوڈمیلا وکٹوریونا کیچینوک اور ان کی لٹویا کی جوڑی دار جیلینا اوسٹاپینکو ڈبلیو ٹی اے ایسٹبورن اوپن ٹینس ٹورنامنٹ کے خواتین کے ڈبلز مقابلوں کے سیمی فائنل مرحلے میں پہنچ گئیں ۔ اے ٹی پی ایسٹبورن اوپن ٹینس ٹورنامنٹ کے کانٹے دار مقابلوں کا سلسلہ انگلینڈ میں شروع ہوچکا ہے ۔یوکرین کی ٹینس کھلاڑی لیوڈمیلا وکٹوریونا کیچینوک اور ان کی لٹویا کی جوڑی دار جیلینا اوسٹاپینکو نے خواتین کے ڈبلز مقابلوں کے کوارٹر فائنل میچ میں انتہائی شاندار کارکردگی کا مظاہرہ کرتے ہوئے جمہوریہ چیک کی ٹینس کھلاڑی باربورا کریجکووا اور ان کی جرمن جوڑی دار لورا سیگمنڈ پر مشتمل سیکنڈ سیڈڈ جوڑی کو سٹریٹ سیٹس میں 3-6اور 4-6 سے اپ سیٹ شکست دے کر نہ صرف ایونٹ سے باہر کر دیا بلکہ سیمی فائنل رائونڈ کے لئے بھی کوالیفائی کرلیا۔
