بھارت کی پسرلا وینکٹا سندھو کا بی ڈبلیو ایف جاپان ماسٹرز بیڈمنٹن ٹورنامنٹ کےویمنز سنگلز دوسرے رائونڈ میں سفر تمام

ٹوکیو۔14نومبر (اے پی پی):بھارت کی نامور شٹلرپسرلا وینکٹا سندھو بی ڈبلیو ایف جاپان ماسٹرز بیڈ منٹن ٹورنامنٹ میں خواتین کے سنگلز مقابلوں کے دوسرے رائونڈ میں ہار کر ایونٹ سے باہر ہوگئیں ۔33 سالہ کینیڈین بیڈمنٹن سٹار میشل لی نے خواتین کے سنگلز مقابلوں کے دوسرے رائونڈ میں 29 سالہ بھارتی شٹلر پسرلا وینکٹا سندھو کو 1-2 سیٹس سے شکست دی۔

بی ڈبلیو ایف جاپان ماسٹرز بیڈ منٹن ٹورنامنٹ کے کانٹے دار مقابلے کماموٹو میں کماموٹو پریفیکچرل جمنازیم،کماموٹو ، جاپان میں جاری ہیں ۔جاپان کے کماموٹو میں کماموٹو پریفیکچرل جمنازیم میں کھیلے گئے خواتین کے سنگلز مقابلوں کے دوسرے رائونڈ میں 33 سالہ کینیڈین بیڈمنٹن سٹار میشل لی عمدہ کھیل پیش کرتے ہوئے 29 سالہ بھارتی حریف شٹلر پسرلا وینکٹا سندھو کو 21-17میں 16-21 اور17-21سے شکست دے کر نہ صرف ان کو ٹورنامنٹ سے باہر کر دیا بلکہ کوارٹر فائنل کے لئے بھی کوالیفائی کرلیا۔

ٹورنامنٹ کے کوارٹر فائنل رائونڈ میں کینیڈین حریف کھلاڑی میشل لی کا مقابلہ جنوبی کوریا کی سم یو جن سے ہوگا۔