تربیلا ڈیم،چشمہ بیراج میں پانی کی سطح کم از کم آپریٹنگ لیول پر پہنچ گئی، واپڈا

اسلام آباد۔20مارچ (اے پی پی):ملک کے بڑے آبی ذخائر تربیلا ڈیم اورچشمہ بیراج میں پانی کی سطح تقریباً کم از کم آپریٹنگ لیول پر پہنچ گئی جبکہ منگلا ڈیم میں پانی کی سطح کم از کم آپریٹنگ لیول سے محض 8 فٹ بلند ہے ۔

واپڈا کی جانب سے دریاؤں اور آبی ذخائر میں پانی کی آمد و اخراج کےجمعرات کو جاری اعدادوشمار کے مطابق دریائے سندھ میں تربیلاکے مقام پر پانی کی آمد 17 ہزار 100 کیوسک اور اخرج 16 ہزار 900 کیوسک، دریائے کابل میں نوشہرہ کے مقام پر پانی کی آمد 10 ہزار 400 کیوسک اور اخراج 10 ہزار 400 کیوسک، خیرآباد پل پر پانی کی آمد 19 ہزار 700 کیوسک اور اخراج 19 ہزار 700 کیوسک، دریائے جہلم میں منگلاکے مقام پر پانی کی آمد 18 ہزار 400 کیوسک اور اخراج 15 ہزار 600 کیوسک جبکہ دریائے چناب میں مرالہ کے مقام پر پانی کی آمد 13 ہزار 800 کیوسک اور اخراج 9 ہزار کیوسک ہے۔

تربیلا ڈیم کا کم از کم آپریٹنگ لیول 1402 فٹ ، ڈیم میں پانی کی موجودہ سطح 1402 فٹ ہے جبکہ ڈیم میں پانی ذخیرہ کرنے کی انتہائی سطح 1550 فٹ ہے۔ منگلا ڈیم کا کم از کم آپریٹنگ لیول 1050 فٹ ، ڈیم میں پانی کی موجودہ سطح 1058 فٹ ہے جبکہ ڈیم میں پانی ذخیرہ کرنے کی انتہائی سطح 1242فٹ اور قابلِ استعمال پانی کا ذخیرہ 0.071ملین ایکڑ فٹ ہے۔

چشمہ بیراج کا کم از کم آپریٹنگ لیول 638.15 فٹ، بیراج میں پانی کی موجودہ سطح 638.15 فٹ ہے جبکہ بیراج میں پانی ذخیرہ کرنے کی انتہائی سطح 649 فٹ ہے۔

Short Link: https://urdu.app.com.pk/urdu/?p=574621