اسلام آباد ۔ 21 ستمبر (اے پی پی) جاری مالی سال کے ابتدائی ماہ جولائی کے دوران تولئے کی ملکی برآمدات میں 6 فیصد سے زائد کی کمی واقع ہوئی ہے۔ ادارہ برائے شماریات پاکستان (پی بی ایس) کے مطابق رواں مالی سال میں جولائی 2016 ءکے دوران تولیہ کی ملکی برآمدات سے 5.891 ارب روپے کا زر مبادلہ حاصل ہوا ہے جبکہ گزشتہ مالی سال میں جولائی 2015 ءکے دوران تولیہ کی برآمدات کا حجم 6.308 ارب روپے ریکارڈ کیا گیا تھا۔ اسطرح جولائی 2015 ءکے مقابلہ میں جولائی 2016 ءکے دوران تولیہ کی ملکی برآمدات میں 6.61 فیصد کی کمی ریکارڈ کی گئی ہے۔
