- Advertisement -
عارف والا۔ 21 اگست (اے پی پی):محکمہ زراعت نے ترشاوہ باغبانوں کو ہدایت کی ہے کہ وہ رواں ماہ اگست میں کاغذی لیموں اور مٹھے کی برداشت کریں صحت مند پھل اکٹھا کریں بیج نکالیں اور پانی سے دھوئیں سائے میں خشک کرلیں اور بیجائی کریں نئے پودے لگانے کےلئے تین تین مکعب فٹ کے گڑھے کھودیں اور دو ہفتے کھلے رکھیں پودوں کو اگست میں نائٹروجن کی تیسری قسط ڈالیں ،
مٹھے کا پھل برداشت کرنے کے بعد ایک کلو گرام یوریا جمع ایک کلو گرام ڈی اے پی اور ایک کلو گرام پوٹاش فی پودا ڈالیں اور تنے سے پودے کے پھیلائو کے برابر دائرہ میں کھاد ڈالیں موسمی حالات کے پیش نظر آبپاشی کریں کیڑوں اور بیماریوں کا مربوط طریقہ سے حالات کے مطابق تدارک کریں باغ میں پودوں کے ناغوں کا جائزہ لیں پیوندکاری کی تیاری کریں۔
- Advertisement -
Short Link: https://urdu.app.com.pk/urdu/?p=381179
- Advertisement -
