رکن قومی اسمبلی اسفنیار بھنڈارا چیئرپرسن نیشنل کمیشن برائے اقلیتی حقوق کے لیے قائم پارلیمانی کمیٹی کے رکن نامزد

اسلام آباد۔13مارچ (اے پی پی):رکن قومی اسمبلی اسفنیار بھنڈارا کو وزیراعظم محمد شہباز شریف نے نیشنل کمیشن برائے اقلیتی حقوق کے چیئرپرسن کی تقرری کے لیے قائم پارلیمانی کمیٹی کا رکن نامزد کیا ہے۔ جمعہ کو یہاں جاری نوٹیفکیشن کے مطابق پاکستان کی نسبتاً کم تعداد رکھنے والی اقلیتی برادریوں کے پارلیمانی نمائندے کی حیثیت سے، جن میں سے بہت سے ملک کے دور دراز علاقوں میں آباد ہیں، اس کمیٹی میں شمولیت خاص اہمیت کی حامل ہے۔

یہ اس اصول کی عکاسی کرتی ہے کہ کوئی بھی برادری، خواہ اس کی تعداد کم ہو یا وہ ملک کے دور افتادہ حصوں میں آباد ہو، اقلیتوں کے حقوق اور نمائندگی سے متعلق فیصلوں میں اس کی آواز ضرور سنی جانی چاہیے۔ یہ نامزدگی وزیراعظم کی جانب سے جامع اور شمولیتی طرز حکمرانی کے عزم کی بھی عکاسی کرتی ہے کہ پاکستان کے جمہوری عمل میں تمام کمیونیٹیز کو مناسب مقام حاصل ہے۔