فیصل آباد۔ 18 اگست (اے پی پی):محکمہ زراعت نے کہا ہے کہ ستمبر کا مہینہ کما د کی کاشت کے لئے انتہائی موزوں ہے، کاشتکار بہتر پیداوار کےلئے آئندہ ماہ کے دوران کماد کی کاشت کر سکتے ہیں لیکن اس کے لئے بہتر زمین کا انتخاب ضروری ہے۔
اسسٹنٹ ڈائریکٹرمحکمہ زراعت توسیع خالد اقبال نے کہا کہ فصل کی کاشت سے قبل کاشتکار ہموار زمین میں گہرا ہل چلا کر مناسب تیاری کے بعد سہاگہ لگائیں اور پھر رجز کے ذریعے 10سے12انچ تک گہری 4 فٹ کی کھیلیاں بنائی جائیں۔ انہوں نے کہاکہ کمادکی ترقی دادہ اقسام میں سی پی ایف 243، سی پی ایف 246، سی پی ایف 247،ایس ایچ ایف 240، ایچ ایس ایف 242، سی پی 77-400، سی پی 72-2086،
سی پی 433-33، سی پی ایف 237 وغیرہ درمیانی تیار ہونیوالی اقسام میں ایس پی ایف 245، 234،213، ایس پی ایس جی 26 وٖغیرہ کو کاشت کیا جا سکتاہے۔ انہوں نے کہا کہ کاشتکار ممنوعہ اقسام کی کاشت سے گریز کریں۔
Short Link: https://urdu.app.com.pk/urdu/?p=380477
