سری لنکا اورنیوزی لینڈ کی کرکٹ ٹیموں کے درمیان دوسرا ون ڈے میچ 17 نومبر کو کھیلا جائے گا

کولمبو۔15نومبر (اے پی پی):سری لنکا اورنیوزی لینڈکی کرکٹ ٹیموں کے درمیان تین ایک روزہ بین الاقوامی میچوں پر مشتمل سیریز کا دوسرا میچ 17 نومبر کو کل (بدھ کو) پالے کیلی انٹرنیشنل کرکٹ سٹیڈیم، پالے کیلی میں کھیلا جائے گا۔آئی لینڈرز کو نیوزی لینڈ کے خلاف تین ون ڈے میچوں کی سیریز میں 0-1 کی برتری حاصل ہے۔

سری لنکن کرکٹ ٹیم نے پہلے ون ڈے میچ میں کیوی ٹیم کو 45 رنز سے شکست دی تھی۔اس سے قبل دونوں ٹیموں کے درمیان کھیلی گئی دو ٹی ٹونٹی میچوں کی سیریز 1-1 سے برابری پر ختم ہوگئی تھی۔ میزبان سری لنکا نے پہلے ٹی ٹونٹی میچ میں نیوزی لینڈ کو 4 وکٹوں سے شکست دی تھی تاہم دوسرے ٹی ٹونٹی میچ میں مہمان نیوزی لینڈ نے میزبان سری لنکن ٹیم کو 5 رنز سے نہ صرف شکست دی بلکہ دو میچوں کی سیریز کا اختتام بھی 1-1 سے برابری پر کر دیا۔نیوزی لینڈ کے مردوں کی کرکٹ ٹیم ان دنوں دورہ سری لنکا پر ہے جہاں وہ میزبان ٹیم کے خلاف دو ٹی ٹونٹی میچوں کی سیریز کے علاوہ تین ون ڈے بین الاقوامی میچوں کی سیریز کھیلے گی جس کا ایک میچ کھیلا جا چکا ہے۔

آئی لینڈرز کو ون ڈے سیریز میں چارتھ اسالنکا لیڈ کریں گے جبکہ نیوزی لینڈ کو مچل سینٹنرلیڈ کریں گے۔ دونوں ٹیموں کے درمیان 3 ون ڈے کرکٹ میچوں کی سیریز کا دوسرا ون ڈے میچ 17 نومبر کو پالے کیلی انٹرنیشنل کرکٹ سٹیڈیم، پالے کیلی میں کھیلا جائے گاجبکہ تیسرا اور آخری ون ڈے میچ 19 نومبر کو پالے کیلی انٹرنیشنل کرکٹ سٹیڈیم، پالے کیلی میں ہی کھیلا جائے گا۔تینوں ون ڈے میچز ڈے اینڈ نائٹ ہوں گےاور فلڈلائٹس کی روشنی میں کھیلے جائیں گے۔\932