میڈرڈ۔20نومبر (اے پی پی):سلواکیہ کی ٹیم اپنی شاندار کارکردگی کی بدولت ویمن ٹینس ایسوسی ایشن(ڈبلیو ٹی اے)بلی جین کنگ کپ کے فائنل میں پہنچ گئی جبکہ انگلینڈ کی ویمن ٹیم سیمی فائنل رائونڈ میں ہار کر ایونٹ سے باہر ہو گئی ۔ سلواکیہ کی ویمن ٹیم نے بلی جین کنگ کپ کے دوسرے سیمی فائنل میچ میں برطانوی ویمنز ٹیم کو 1-2سے شکست دے کر فائنل کے لئے کوالیفائی کیا …
سلواکیہ کی ویمن ٹیم بلی جین کنگ کپ کے فائنل میں پہنچ گئی
میڈرڈ۔20نومبر (اے پی پی):سلواکیہ کی ٹیم اپنی شاندار کارکردگی کی بدولت ویمن ٹینس ایسوسی ایشن(ڈبلیو ٹی اے)بلی جین کنگ کپ کے فائنل میں پہنچ گئی جبکہ انگلینڈ کی ویمن ٹیم سیمی فائنل رائونڈ میں ہار کر ایونٹ سے باہر ہو گئی ۔
سلواکیہ کی ویمن ٹیم نے بلی جین کنگ کپ کے دوسرے سیمی فائنل میچ میں برطانوی ویمنز ٹیم کو 1-2سے شکست دے کر فائنل کے لئے کوالیفائی کیا ، یوں انگلینڈ کی ٹیم کا ڈبلیو ٹی اے بلی جین کنگ کپ کے فائنل میں پہنچنے کا خواب شرمندہ تعبیر نہ ہوسکا۔ڈبلیو ٹی اے بلی جین کنگ کپ کے مقابلے سپین کے شہر ملاگاکے مارٹن کارپینا ایرینا میں کھیلے جارہے ہیں جس کے ویمنز سنگلز مقابلے کے دوسرے سیمی فائنل میچ میں سلواکیہ اور انگلینڈ کی خواتین ٹینس ٹیمیں آمنے سامنے تھیں ۔
سلواکیہ کی ویمنز ٹیم نے شاندار کارکردگی کا مظاہرہ کرتے ہوئے انگلینڈ کی ویمنز ٹیم کو ایک کےمقابلے میں 2 سیٹس سے شکست دی اور فائنل کے لئے کوالیفائی کیا۔ ڈبلیو ٹی اے بلی جین کنگ کپ کے فائنل میچ میں سلواکیہ کی ویمنز ٹیم کا مقابلہ اٹلی کی ٹیم سے ہوگا۔
