اسلام آباد ۔ 4 فروری (اے پی پی) صدر مملکت ڈاکٹر عارف علوی نے ایک بار پھر کشمیری بہن بھائیوں کو یقین دہانی کرائی ہے کہ پاکستان کشمیر کے بارے میں اپنے اصولی مو¿قف پر پوری طرح کاربند ہے، پوری پاکستانی قوم اس بہادرانہ جدوجہد میں اپنے کشمیری بھائیوں کے ساتھ کھڑی ہے جو وہ اپنے جائز حق خوادادیت کے حصول کےلئے کوشاں ہیں، ہمیں پختہ یقین ہے کہ کشمیری اپنی اس جدوجہد میں ضرور سرخرو ہو ں گے۔ انہوں نے یہ بات یوم یکجہتی کشمیر کے موقع پر اپنے پیغام میں کہی جو (آج) منگل 5 فروری کو منایا جا رہا ہے۔ انہوں نے کہا کہ 5 فروری حق خود ارادیت کے حصول کےلئے کشمیریوں کے غیر متزلزل عزم کو خراج تحسین پیش کرنے کا دن ہے۔ اس موقع پر حکومت پاکستان اور اس کے عوام اپنے کشمیری بہن بھائیوں اور بالعموم دنیا بھر پر واضح کرتے ہیں کہ ہم جموں و کشمیر کے طویل عرصہ سے حل طلب تنازعہ اور بھارت کے مقبوضہ جموں و کشمیر پر غاصبانہ قبضہ کے خلاف کشمیریوں کی جدوجہد کو نہیں بھولے۔ انہوں نے کہا کہ بھارت ”مسلح جنگجوﺅں کو ہلاک“ کرنے کے جھوٹے بیانیہ کی آڑ میں اپنی دہشت گردی کو جواز دینے کی کوشش کرتا رہا ہے تاہم وہ اپنی اس کوشش میں بری طرح ناکام ہوا۔ انہوں نے کہا کہ بھارت کی طرف سے مقبو ضہ کشمےر کے عوام پر مظالم اور انسانی حقوق کی شدےد خلاف ورزےوں پر بین الاقوامی برادری کی عالمی بے حسی سے کشمیریوں میں شکوک و شبہات جنم لے رہے ہیں کہ عالمی برادری دوہرے معیار سے کام لے رہی ہے، بھارت کو انسانی حقوق کی خلاف ورزی پر کوئی سزا نہیں مل رہی جبکہ انسانی حقوق کی ہر خلاف ورزی کی مذمت بھی نہیں کی جاتی جس سے اقوام متحدہ کے انسانی حقوق کا چارٹر محض لفاظی تک محدود رہ جاتا ہے۔ انہوں نے کہا کہ اقوام متحدہ کے دفتر برائے انسانی حقوق ہائی کمشنر کی رپورٹ فیصلہ کن موڑ اور دنیا بھر کی کشمیری برادری کےلئے سنگ میل کی حیثیت رکھتی ہے۔ پاکستان رپورٹ میں دی گئی تجاویز کی مکمل حمایت کرتا ہے اور مطالبہ کرتا ہے کہ رپورٹ کی سفارشات کے مطابق بھارتی مقبوضہ کشمیر میں انسانی حقوق کی خلاف ورزیوں کی تحقیقات کےلئے کمیشن آف انکوائری کے قیام میں تیزی لائی جائے۔ انہوں نے کہا کہ ہم اپنے کشمیر ی بہن بھائیوں کو یقین دہانی کراتے ہیں کہ ہم کشمیر کے بارے میں اپنے اصولی مو¿قف پر پوری طرح کاربند ہیں، پوری پاکستانی قوم اس بہادرانہ جدوجہد میں اپنے کشمیری بھائیوں کے ساتھ کھڑی ہے جوکہ وہ اپنے جائز حق خوادادیت کے حصول کےلئے کر رہے ہیں، ہمیں پختہ یقین ہے کہ کشمیری اپنی اس جدوجہد میں ضرور کامیاب ہوں گے۔
