عالمی منڈی میں خام تیل کے نرخوں میں کمی

نیویارک۔ 2 جولائی (اے پی پی) عالمی منڈی میں خام تیل کے نرخوں میں کمی آئی ہے ۔نیویارک مرکنٹائل ایکس چینج میں برنٹ نارتھ کروڈ کی سپلائی کے سودے چھ سینٹ (0.1 فیصد)کمی کے ساتھ 41.97 ڈالر فی بیرل اور امریکی کروڈ ڈبلیو ٹی آئی کی سپلائی 10سینٹ( 0.3 فیصد) کی کمی کے ساتھ 39.72 ڈالر فی بیرل طے پائے۔جمعرات کو عالمی منڈی میںخام تیل کے نرخوں میں کمی آنے کی وجہ امریکہ میں ایک ہی روز میں کورونا کی کیسز میں ریکارڈ اضافہ اور ریاست کیلی فورنیا بعض شہروں میں لگنے والے لاک ڈاﺅن سے پیدا ہونے والی صورتحال کے باعث تیل کی طلب میں کمی آنے کے خدشات ہیں۔