رام اللہ ۔24جولائی (اے پی پی):سو سے زائد امدادی تنظیموں نے بدھ کے روز خبردار کیا کہ غزہ کی پٹی میں "وسیع پیمانے پر فاقہ کشی" پھیل رہی ہے حتیٰ کہ ان کے اپنے ساتھی بھی اس قلت کا شدت سے شکار ہو رہے ہیں۔العربیہ کے مطابق اسرائیل کو فلسطینی سرزمین کی تباہ کن انسانی صورتِ حال پر بڑھتے ہوئے بین الاقوامی دباؤ کا سامنا ہے جہاں 20 لاکھ سے …
غزہ میں وسیع پیمانے پر بھوک پھیل رہی ہے، امدادی تنظیموں کا انتباہ
رام اللہ ۔24جولائی (اے پی پی):سو سے زائد امدادی تنظیموں نے بدھ کے روز خبردار کیا کہ غزہ کی پٹی میں "وسیع پیمانے پر فاقہ کشی” پھیل رہی ہے حتیٰ کہ ان کے اپنے ساتھی بھی اس قلت کا شدت سے شکار ہو رہے ہیں۔العربیہ کے مطابق اسرائیل کو فلسطینی سرزمین کی تباہ کن انسانی صورتِ حال پر بڑھتے ہوئے بین الاقوامی دباؤ کا سامنا ہے جہاں 20 لاکھ سے زائد افراد 21 ماہ کے شدید المناک تنازعے سے گذرے ہیں۔
ایک مشترکہ بیان میں 111 تنظیموں بشمول ڈاکٹرز ودآؤٹ بارڈرز (ایم ایس ایف)، سیو دی چلڈرن اور آکسفیم نے خبردار کیا کہ ہمارے ساتھی اور جن کی ہم خدمت کرتے ہیں، صحت کی بربادی کا شکار ہو رہے ہیں۔بیان میں کہا گیا کہ جیسا کہ اسرائیلی حکومت کے محاصرے سے غزہ کے لوگ فاقوں کا شکار ہیں تو امدادی کارکنان اب کھانا حاصل کرنے کے لیے انہی قطاروں میں شامل ہو رہے ہیں
اور صرف اپنے خاندانوں کا پیٹ پالنے کے لیے گولی کھانے کا خطرہ مول لے رہے ہیں۔گروپوں نے فوری طور پر مذاکرات کے ذریعے جنگ بندی، تمام زمینی گذرگاہیں کھولنے اور اقوامِ متحدہ کے زیرِ قیادت امداد کی آزادانہ ترسیل کا مطالبہ کیا۔
