قومی ٹی 20 کرکٹ ٹیم کی دمبولا انٹرنیشنل اسٹیڈیم میں آپشنل ٹریننگ سیشن میں شرکت

دمبولا۔10جنوری (اے پی پی):قومی ٹی 20 کرکٹ ٹیم نے رنگیری دمبولا انٹرنیشنل اسٹیڈیم میں آپشنل ٹریننگ سیشن میں حصہ لیا۔ پی سی بی کے مطابق ٹریننگ سیشن میں کپتان سلمان علی آغا، وسیم جونیئر، نسیم شاہ، صائم ایوب، سلمان مرزا، عبدالصمد اور خواجہ نافع شریک ہوئے۔

سیشن کے دوران کوچز کی زیر نگرانی کھلاڑیوں نے بیٹنگ اور باؤلنگ کی بھرپور مشقیں کیں جبکہ فیلڈنگ کے مختلف پہلوؤں پر بھی توجہ دی گئی۔ ٹریننگ کا مقصد آئندہ میچ سے قبل کھلاڑیوں کی فارم اور فٹنس کو بہتر بنانا تھا۔ واضح رہے کہ پاکستان اور سری لنکا کے درمیان ٹی 20 سیریز کا تیسرا اور آخری میچ (کل) اتوار کو کھیلا جائے گا۔