متحدہ عرب امارات کا مرکزی بینک 2 ستمبر کو سرکاری بانڈز کی نیلامی کرے گا

ابوظہبی۔28اگست (اے پی پی):متحدہ عرب امارات کا مرکزی بینک 2 ستمبر 2024 کو سرکاری بانڈز (مانیٹری بلز) کی نیلامی کرے گا۔ امارات کی نیوز ایجنسی وام نے مرکزی بینک کے حوالے سے جاری اعلان کے مطابق بتایا ہے کہ اس نیلامی میں چار طرح کے سرکاری بانڈز پیش کیے جائیں گے جبکہ ، 28 دن کے لیے پہلا بانڈ 2 ارب درہم تک، 42 دن کے لیے دوسرا بانڈ 2.5 ارب درہم تک، 126 دن کے لیے تیسرا بانڈ 4.5 ارب درہم تک اور 294 دن کے لیے چوتھا بانڈ 8.5 ارب درہم تک ہوگا۔

بانڈز 4 ستمبر 2024 کو جاری کیے جائیں گے۔ پہلے بانڈ کی واپسی کی تاریخ 2 اکتوبر 2024، دوسرے کی 16 اکتوبر 2024، تیسرے کی 8 جنوری 2024 اور چوتھے کی 25 جون 2025 ہوگی۔ متحدہ عرب امارات کے مرکزی بینک (سی بی یو اے ای )نے اس سال 26 مانیٹری بلز کے ٹینڈرز کا اعلان کیا ہے۔