اسلام آباد ۔ 25 فروری (اے پی پی) وفاقی وزیر برائے امور کشمیر و گلگت بلتستان چوہدری محمد برجیس طاہرنے کہا ہے کہ مسلم لیگ(ن )پا کستان کی ترقی و خوشحالی کا سفرمحمد نواز شریف کے وژن اور ان کی قیادت میں جاری رکھے گی، گزشتہ چند سالوں میں پاکستان میں ہونے والی ترقی و خوشحالی کا تمام تر کریڈٹ محمد نواز شریف کی قیادت کو جاتا ہے جنہوں نے وژن اور عزم کے ذریعے پاکستان کو ترقی و خوشحالی کی وہ مضبوط بنیادیں فراہم کیںہیںجنہیں کسی صورت میں ختم نہیں کیا جا سکتا ہے۔ اتوار کو اپنے ایک بیان میں انہوں نے کہا کہ 2013 میں ملک کے ابتر حالات پوری پاکستانی قوم کے سامنے ہیںاور پاکستان کے 20کروڑ عوام گواہ ہیںکہ محمد نواز شریف نے بجلی کے بحران،دہشت گردی اور معاشی بد حالی پر قابو پا کر پاکستان کو ترقی وخوشحالی کی راہ پر گامزن کیاہے،اس کی ماضی قریب میںمثال نہیں ملتی۔
