مسیحی برادری کی ملکی ترقی اور فلاح میں خدمات قابلِ تحسین ہیں، سینیٹر روبینہ خالد

اسلام آباد۔5اپریل (اے پی پی):چیئرپرسن بے نظیر انکم سپورٹ پروگرام (بی آئی ایس پی)سینیٹر روبینہ خالد نے مسیحی برادری کو ایسٹر کی دلی مبارکباد دیتے ہوئے کہا ہے کہ ایسٹر محبت، قربانی اور امید کا پیغام دیتا ہے ۔ایسٹر کے موقع پر بی آئی ایس پی کی جانب سے جاری بیان میں سینٹر روبینہ خالد نے کہا کہ پاکستان میں تمام مذاہب کے ماننے والوں کو برابر حقوق حاصل ہیں۔

انہوں نے کہا کہ مسیحی برادری کی ملکی ترقی اور فلاح میں خدمات قابلِ تحسین ہیں۔سینٹر روبینہ خالد نے مزید کہا کہ باہمی احترام، رواداری اور ہم آہنگی کو فروغ دینا وقت کی ضرورت ہے۔ انہوں نے کہا کہ بے نظیر انکم سپورٹ پروگرام بلا امتیاز مستحقین کی خدمت جاری رکھے ہوئے ہے،اقلیتوں کے حقوق کا تحفظ حکومت کی اولین ترجیح ہے۔ انہوں نے کہا کہ ایسٹر ہمیں انسانیت، خدمت اور بھائی چارے کا درس دیتا ہے۔

سینٹر روبینہ خالد نے کہا کہ آئینِ پاکستان تمام شہریوں کو مذہبی آزادی کی ضمانت دیتا ہے،ملک میں امن، اتحاد اور ترقی کے لیے سب کو مل کر کردار ادا کرنا ہوگا۔