پاکستان مسلم لیگ (ن)کے صدر محمد نواز شریف اور وزیراعلی پنجاب مریم نواز شریف سے سعودی عرب کے سفیر نواف بن سعید المالکی نے بدھ کوالوداعی ملاقات کی۔سعودی سفیر وزیراعلی آفس پہنچے تو ان کا پرتپاک خیرمقدم کیا گیا
نواز شریف اور مریم نواز سے سعودی سفیر نواف بن سعید المالکی کی الوداعی ملاقات
لاہور۔19اگست (اے پی پی):پاکستان مسلم لیگ (ن)کے صدر محمد نواز شریف اور وزیراعلی پنجاب مریم نواز شریف سے سعودی عرب کے سفیر نواف بن سعید المالکی نے بدھ کوالوداعی ملاقات کی۔سعودی سفیر وزیراعلی آفس پہنچے تو ان کا پرتپاک خیرمقدم کیا گیا۔ترجمان وزیر اعلی آفس کے مطابق ملاقات کے دوران محمد نواز شریف اور وزیراعلی پنجاب مریم نواز شریف نے پاکستان اور سعودی عرب کے درمیان برادرانہ تعلقات کے فروغ اور استحکام کے لیے سعودی سفیر نواف بن سعید المالکی کی سفارتی خدمات کو سراہا۔اس موقع پر سعودی سفیر نواف بن سعید المالکی نے پاکستان میں اپنے سفارتی قیام کو یادگار قرار دیتے ہوئے پاکستان اور پنجاب میں ملنے والی پرخلوص میزبانی پر محمد نواز شریف اور وزیراعلی مریم نواز شریف کا شکریہ ادا کیا۔ملاقات میں پاکستان اور سعودی عرب کے درمیان دیرینہ برادرانہ تعلقات اور باہمی تعاون کو مزید مضبوط بنانے کے عزم کا بھی اظہار کیا گیا
