اسلام آباد۔8مئی (اے پی پی):وزارت مذہبی امور نے پرائیویٹ حج سکیم کے تحت فریضہ حج کی سعادت حاصل کرنے والے عازمین کی بکنگ کا ڈیٹا ’’پاک حج ‘‘موبائل ایپ پر لوڈ کردیا گیا ہے۔ وزارت کے ترجمان کے مطابق پرائیویٹ سکیم کے عازمین اپنا شناختی کارڈ نمبر اور حج درخواست نمبر ’’پاک حج ‘‘موبائل ایپ پر اپنی تفصیلات سے آگاہی حاصل کرسکتے ہیں۔وزارت کے ترجمان نے عوام الناس سے اپیل کی ہے کہ سوشل میڈیا پرسستے حج سے متعلق فیک وائرل لنکس پر کلک کرنے سے اجتناب کریں اور ایسے جعلسازوں سے ہوشیار رہیں۔
