اسلام آباد ۔ 28 فروری (اے پی پی) وزیر اعظم عمران خان نے سینیٹر سجاد حسین طوری کو ایوان بالا میں پاکستان تحریک انصاف کا چیف وہپ مقرر کر دیا ہے۔ جمعرات کو اس کا سینیٹ سیکرٹریٹ نے باقاعدہ نوٹیفکیشن جاری کر دیا۔ سینیٹ سیکرٹریٹ کے مطابق سینیٹر سجاد حسین طوری کا عہدہ وزیر مملکت کے برابر ہوگا۔ سینیٹ میں قائد ایوان سینیٹر سید شبلی فراز نے وزیراعظم پاکستان کی جانب سے سینیٹر سجاد حسین طوری کو پاکستان تحریک انصاف کا چیف وہپ مقرر ہونے کا نوٹیفکیشن ان کے حوالے کیا۔ سینیٹر سجاد حسین طوری نے چیئرمین سینیٹ محمد صادق سنجرانی اورسینیٹ میں قائد ایوان سینیٹر سید شبلی فراز سے ملاقات کی۔ قائد ایوان سے گفتگو کرتے ہوئے سینٹر سجاد حسین طوری نے کہا کہ ایوان بالا کی پارلیمانی روایات کو مزید مستحکم بنانے میں اپنا کردار ادا کریں گے۔ ایوان بالامیں موجود مختلف سیاسی جماعتوں کے مابین روابط اور ہم آہنگی کو فروغ دینے کیلئے بھر پور کوشش کروں گا۔ چیئرمین سینیٹ محمد صادق سنجرانی نے بھی چیف وہپ نامزد ہونے پر سینیٹر سجاد حسین طوری کو مبارکباد دی۔ انہوں نے کہا کہ ا±مید ہے کہ سینیٹر سجاد حسین طوری اپنا آئینی کردار ادا بھرپور طریقے سے ادا کریں گے۔ چیئرمین سینیٹ نے سینیٹر سجاد حسین طوری کو ہر ممکن تعاون کا بھی یقین دلایا۔
