وسطی چین غیر ملکی سرمایہ کاری کو راغب کر نے میں مصروف عمل

بیجنگ ۔18اپریل (اے پی پی):رواں سال چین کے 15ویں پانچ سالہ منصوبہ کے آغاز کا سال ہے جس میں وسطی چین کے خطے کی تیز رفتار ترقی کو مضبوط انداز میں آگے بڑھانا ایک اہم کام قرار دیا گیا ہے۔

چینی میڈیا کے مطابق منفرد جغرافیائی خصوصیات اور نقل و حمل کی سہولیات، مستحکم صنعتی بنیاد اور مسلسل جاری پالیسی مراعات ان تمام عوامل کے باعث وسطی علاقے کی جامع برتری نمایاں ہوتی جا رہی ہے جو اسے چین میں غیر ملکی سرمایہ کاری کا ایک نیا مرکز بنا رہی ہے۔

حال ہی میں چین کی کونسل برائے فروغ بین الاقوامی تجارت کی جانب سے غیر ملکی کمپنیوں کے لیے لوکل وزٹ کے برانڈ پروگرام کا پہلا مرحلہ صوبہ جیانگ شی میں منعقد ہوا۔