وفاقی حکومت نے 2009ءسے کسی غیر ملکی ماہی گیر جہاز کے لئے ماہی گیری لائسنس جاری نہیں کیا،وفاقی وزیر میر حاصل بزنجو

اسلام آباد۔ 6 نومبر (اے پی پی) وفاقی وزیر بحری امور میر حاصل خان بزنجو نے کہا ہے کہ وفاقی حکومت نے 2009ءسے کسی غیر ملکی ماہی گیر جہاز کے لئے کوئی ماہی گیری لائسنس جاری نہیں کیا۔ پیر کو قومی اسمبلی میں وقفہ سوالات کے دوران سراج محمد خان کے سوال کے جواب میں وفاقی وزیر نے کہا کہ وزارت کے افسران کے تمام اختیارات و کارہائے منصبی استعمال کرنے کے لئے نیوی‘ میری ٹائم‘ سیکیورٹی ایجنسی کے بحری جہازوں‘ ویسلز اور کشتیوں کے کمانڈنگ افسران کو جوکہ لیفٹیننٹ سے کم نہ ہوں‘ کو اختیارات دیئے گئے ہیں۔ کم گہرے یا علاقائی پانیوں میں ماہی گیری کے اختیارات سندھ حکومت کو دیئے گئے ہیں۔