اسلام آباد۔2مارچ (اے پی پی):وفاقی وزیر برائے انسانی حقوق ڈاکٹر شیریں مزاری نے جنیوا میں اقوام متحدہ کی ہائی کمشنر برائے انسانی حقوق مشل بیچلٹ سے ملاقات کی ۔ وزارت انسانی حقوق کے ٹویٹر پر جاری بیان کے مطابق ڈاکٹر شیریں مزاری نے بھارتی کے غیرقانونی زیرتسلط جموں و کشمیر میں انسانی حقوق کی خلاف ورزیوں کی مسلسل نگرانی پر ان کا شکریہ ادا کیا ۔
انہوں نے مقبوضہ کشمیر پر کشمیر رپورٹ کا فالواپ جاری کرنے کی ایک بار پھر درخواست کی کیونکہ آخری رپورٹ کے بعد سے بھارت کے غیرقانونی زیر تسلط جموں و کشمیر میں صورتحال مزید سنگین ہوگئی ہے۔
