اسلام آباد۔8جنوری (اے پی پی):پارلیمانی کاکس برائے بچوں کے حقوق (پی سی سی آر )اور یونائیٹڈ گلوبل آرگنائزیشن آف ڈویلپمنٹ (یو جی او او ڈی ) کا مشترکہ اجلاس پارلیمنٹ ہاؤس میں ہوا جس کی صدارت پارلیمانی کاکس برائے بچوں کے حقوق کی کنوینر ممبر قومی اسمبلی ڈاکٹرنگہت شکیل خان نے کی۔ یونائیٹڈ گلوبل آرگنائزیشن آف ڈویلپمنٹ کے وفد میں سید اشتیاق گیلانی اور مہوش کیانی شامل تھیں۔ قومی اسمبلی …
پارلیمانی کاکس برائے بچوں کے حقوق اور یونائیٹڈ گلوبل آرگنائزیشن آف ڈویلپمنٹ کا مشترکہ اجلاس
مزید خبریں
اسلام آباد۔8جنوری (اے پی پی):پارلیمانی کاکس برائے بچوں کے حقوق (پی سی سی آر )اور یونائیٹڈ گلوبل آرگنائزیشن آف ڈویلپمنٹ (یو جی او او ڈی ) کا مشترکہ اجلاس پارلیمنٹ ہاؤس میں ہوا جس کی صدارت پارلیمانی کاکس برائے بچوں کے حقوق کی کنوینر ممبر قومی اسمبلی ڈاکٹرنگہت شکیل خان نے کی۔ یونائیٹڈ گلوبل آرگنائزیشن آف ڈویلپمنٹ کے وفد میں سید اشتیاق گیلانی اور مہوش کیانی شامل تھیں۔
قومی اسمبلی سیکرٹریٹ کے عہدیدار سید حاذک بخاری اور عفت پرویز بھی اجلاس میں موجود تھیں۔اجلاس کے دوران شرکاء نے بچوں کو متاثر کرنے والے اہم مسائل پر گفتگو کی جن میں بچوں کے تحفظ کے طریقے، نابالغوں کے انصاف میں اصلاحات، جسمانی سزا اور بچوں سے بھیک مانگنا شامل ہیں۔ ان مباحثوں میں قانونی فریم ورک کو مضبوط کرنے، موجودہ قوانین کے مؤثر نفاذ اور پارلیمانی فورمز اور سول سوسائٹی تنظیموں کے درمیان بچوں کے حقوق کے تحفظ کے لئے بہتر ہم آہنگی کی ضرورت پر زور دیا گیا۔
پی سی سی آر کی کنوینر ڈاکٹر نگہت شکیل خان نے بچوں کے تحفظ کو آگے بڑھانے کے لئے شواہد پر مبنی پالیسی انگیجمنٹ اور متعلقہ سٹیک ہولڈرز کے ساتھ مشترکہ کارروائی کے ذریعے عزم پر زور دیا۔ اجلاس کا اختتام پاکستان میں بچوں کو درپیش کثیر الجہتی چیلنجز سے نمٹنے کے لئے تعمیری روابط جاری رکھنے اور عملی تعاون کے راستے تلاش کرنے کے مشترکہ عزم کے ساتھ ہوا۔
