پاکستان ریلوے چیمپئن شپ ،لاہور ڈویژن نے 5گولڈ ،3سلور اور 2کانسی کے میڈلز جیت کر میدان مار لیا

لاہور۔20نومبر (اے پی پی):پاکستان ریلوے انٹر ڈویژن چیمپئن شپ 25-2024 کا انعقاد ریلوے سٹیڈیم میں ہوا جس میں لاہور ڈویژن کے کھلاڑی30 سال بعد جوڈو کے سخت مقابلوں میں 5 گولڈ 3 سلور اور2 کانسی کے میڈل جیت کر نمایاں رہے۔ ترجمان کے مطابق اس موقع پر مغلپورہ ورکشاپ ڈویژن کے کھلاڑیوں نے بھی 5 گولڈ 3 سلور اور 2 کانسی کے تمغے جیتے۔

اسی طرح ملتان ڈویژن 4 سلور ،6 کانسی اور کوئٹہ ڈویژن 9 کانسی کے تمغے جیت سکی، جوڈو مقابلوں میں ملتان ڈویژن دوسرے اور کوئٹہ ڈویژن تیسرے نمبر پر رہی۔ترجمان کیمطابق100 کلو اوپن ویٹ میں لاہور ڈویژن کے شہسوار طاہر نے ورکشاپ ڈویژن کے ایشین میڈلسٹ کو مات دے کر میدان مار لیا۔

اس حوالے سے ڈویژنل سپرنٹنڈنٹ ریلوے لاہور محمد حنیف گل نے کہا کہ پاکستان ریلوے سپورٹس کے میدان میں سنہری تاریخ کا ضامن اور پاکستان ریلوے میں سپورٹس کے مزید فروغ کیلئے کوشاں ہیں۔

انہوں نے کہا کہ کھیلوں کے فروغ کیلئے کھلاڑیوں کی حوصلہ افزائی کرتے رہیں گے، شہسوار طاہر جیسے کھلاڑیوں پر پاکستان ریلوے کو فخر ہے جو تاریخ رقم کرنے کیلئے میدان میں اترتے ہیں۔