اسلام آباد۔27دسمبر (اے پی پی):پاکستان سپورٹس بورڈ نے کھیلوں کی فیڈریشنز کے مالی امور کی جانچ کے لئے بینک سٹیٹمنٹ اور مالی سال کی آڈٹ رپورٹس سے متعلق تفصیلات جاری کر دی ہیں۔
ابھی تک صرف 9 فیڈریشنز نے مقررہ مدت میں بینک سٹیٹمنٹ اور آڈٹ رپورٹ پی سی بی کو جمع کرائیں ہیں۔ویب سائیٹ پر اپ لوڈ فہرست کے مطابق نیشنل رائفل ایسوسی ایشن آف پاکستان ،پاکستان پولو ایسوسی ایشن ،پاکستان ریسلنگ فیڈریشن ،چیس فیڈریشن آف پاکستان، پاکستان جوڈو فیڈریشن آف پاکستان ، پاکستان نیٹ بال فیڈریشن ، پاکستان تائیکوانڈو فیڈریشن اور پاکستان ہینڈ بال فیڈریشن نے مالی سال 24-2023 کی آڈٹ رپورٹ اور بینک سٹیٹمنٹ جمع کرا دی ہے۔
واضح رہے کہ پاکستان سپورٹس بورڈ نے مالی امور میں شفافیت کے لئے 43 فیڈریشنز کو خط لکھ کر انھیں ایک سال کی بینک سٹیٹمنٹ اور مالی سال کی آڈٹ رپورٹ مانگی تھی۔
Short Link: https://urdu.app.com.pk/urdu/?p=540059
