پاکستان کاتیسرے ٹی ٹونٹی کرکٹ میچ میں آسٹریلیا کو جیت کیلئے 118 رنز کا ہدف

ہوبارٹ۔18نومبر (اے پی پی):پاکستان کی کرکٹ ٹیم نے تیسرے اور آخری ٹی ٹونٹی کرکٹ میچ میں آسٹریلیا کے خلاف 117 رنز بناکر میزبان آسٹریلیا کو میچ میں کامیابی کے لئے 118 رنز کا ہدف دیا۔پیر کو ہوبارٹ میں کھیلے جا رہے تیسرے اور آخری ٹی ٹونٹی کرکٹ میچ میں پاکستان کے کپتان سلمان علی آغا نے ٹاس جیت کر بیٹنگ کا فیصلہ کیا۔

پاکستان کی جانب سے اننگز کا آغاز صاحبزادہ فرحان اور بابر اعظم نے کیا لیکن صاحبزادہ فرحان ایک بار پھر ناکام ثابت ہوئے اور صرف 9 رنز بنا کر آؤٹ ہو گئے جبکہ حسیب اللہ 24 رنز بنا کر آؤٹ ہوئے۔ عثمان خان تیسرے آئوٹ ہونے والے کھلاڑی تھے جو صرف 3 رنز بنا سکے جبکہ پاکستان ٹیم کے کپتان سلمان علی آغا 9 گیندوں پر صرف ایک رن بنا کر آؤٹ ہوئے۔سابق کپتان بابر اعظم 41 رنز بناکر ایڈم زمپا کی گیند پر آؤٹ ہوئے جبکہ عرفان خان 10 رنز بناکر رن آؤٹ ہوگئے، اس کے علاوہ عباس آفریدی بھی ایک رن بناکر پویلین لوٹے۔ٹی ٹونٹی ڈیبیو کرنے والے جہانداد خان چھکا لگانے کی کوشش میں باؤنڈر پر کیچ آؤٹ ہو گئے،

انہوں نے 5 رنز سکور کئے ۔ پاکستان کے آخری آؤٹ ہونے والے کھلاڑی صفیان مقیم تھے جو ایک رن بنا سکے۔حارث رئوف بغیر کوئی رن بنائے ناٹ آئوٹ رہے ۔ یوں پاکستان کی ٹیم پہلے کھیلتے ہوئے 18.1 اوورز میں 117 بناکر آئوٹ ہوگئی اور اس نے آسٹریلوی ٹیم کو میچ میں کامیابی کے لئے 118رنز کا ہدف دیا۔ آسٹریلیا کی جانب سے عمدہ بائولنگ کا مظاہرہ کرتے ہوئے ایرون ہارڈی نے 3 وکٹیں حاصل کیں ، ایڈم زمپا اور سپینسر جانسن نے دو، دو کھلاڑیوں کو پویلین کی راہ دکھائی جبکہ زیویر بارٹلیٹ اور نیتھن ایلس نے ایک، ایک وکٹ حاصل کی۔