پاکستان کا آسٹریلیا کے خلاف تیسرے اور آخری ٹی ٹونٹی کرکٹ میچ میں ٹاس جیت کر پہلے بیٹنگ کا فیصلہ

ہوبارٹ۔18نومبر (اے پی پی):پاکستان نے میزبان آسٹریلیا کے خلاف تیسرے اور آخری بین الاقوامی ٹی ٹونٹی کرکٹ میچ میں نے ٹاس جیت کر پہلے بیٹنگ کا فیصلہ کیا ہے۔پیر کو آسٹریلیا اور پاکستان کی کرکٹ ٹیموں کے درمیان تیسرا اور آخری ٹی ٹونٹی میچ شروع ہوا تو محمد رضوان کی جگہ کپتانی کی ذمہ داریاں نبھانے والے سلمان علی آغا نے ٹاس جیت کر بیٹنگ کا فیصلہ کیا۔

اس موقع پر سلمان علی آغا کا کہنا تھا کہ ٹیم میں دو تبدیلیاں کی گئی ہیں، کپتان محمد رضوان کو آرام دیا گیا ہے اور ان کی جگہ حسیب اللہ وکٹ کیپنگ کریں گے جبکہ فاسٹ بائولر نسیم شاہ کی جگہ جہانداد خان کو پلیئنگ الیون کا حصہ بنایا گیا ہے۔ہوبارٹ میں کھیلے گئے میچ میں فاسٹ بائولر جہانداد خان ڈبیو کریں گے۔

پاکستانی پلیئنگ الیون میں کپتان سلمان علی آغا کے علاوہ دیگر کھلاڑیوں میں بابر اعظم، صاحب زادہ فرحان،حسیب اللہ، عثمان خان،عرفان خان نیازی، عباس آفریدی، شاہین شاہ آفریدی، جہانداد خان، حارث رؤف اور سفیان مقیم شامل ہیں۔