پولینڈ میں ڈرون داخلہ ممکنہ طور پر غلطی ہو سکتا ہے، ڈونلڈ ٹرمپ

واشنگٹن ۔12ستمبر (اے پی پی):امریکی صدر ڈونلڈ ٹرمپ نے روسی ڈرون کے مبینہ طور پر پولینڈ کی فضائی حدود میں داخل ہونے کے واقعے پر ردعمل دیتے ہوئے کہا ہے کہ یہ ممکنہ طور پر ایک غلطی ہو سکتی ہے، تاہم انہوں نے اس واقعے پر اپنی ناراضگی کا اظہار بھی کیا۔

شنہوا کے مطابق ڈونلڈ ٹرمپ نے صحافیوں سے گفتگو کرتے ہوئے کہا کہ یہ ایک غلطی ہو سکتی ہے، لیکن بہرحال، مجھے اس تمام صورتحال سے کوئی خوشی نہیں ہوئیہ نہ مجھے یہ پسند نہیں آیا ہے ، امید ہے کہ یہ جلد ختم ہو جائے گا۔یہ بیان ایک ایسے وقت میں سامنے آیا ہے جب یورپی رہنما روس پر الزام لگا رہے ہیں کہ اس نے جان بوجھ کر پولینڈ کی فضائی حدود کی خلاف ورزی کی تاکہ نیٹو کی تیاریوں کا امتحان لیا جا سکے۔