پی سی بی نے قومی ٹیسٹ اسکواڈ میں دو تبدیلیوں کا اعلان کر دیا

لاہور۔26جولائی (اے پی پی):پاکستان کرکٹ بورڈ (پی سی بی) نے ویسٹ انڈیز کے خلاف جاری ٹیسٹ سیریز اور اس کے بعد انگلینڈ کے دورے کے لیے قومی ٹیسٹ اسکواڈ میں دو اہم تبدیلیوں کا اعلان کر دیا ہے۔

ترجمان پی سی بی کے مطابق اوپننگ بیٹر عبداللہ فضل انجری کے باعث ٹیسٹ سیریز سے باہر ہو گئے ہیں، جس کے بعد ان کی جگہ عبداللہ شفیق کو بطور متبادل اسکواڈ میں شامل کیا گیا ہے۔بورڈ نے بیٹنگ لائن اپ کو مزید مضبوط بنانے کے لیے سعود شکیل کو بھی اضافی متبادل کھلاڑی کے طور پر ٹیم میں شامل کر لیا ہے تاکہ ضرورت پڑنے پر ٹیم کو بہتر آپشنز دستیاب ہوں۔پاکستانی ٹیم ویسٹ انڈیز کے خلاف دو ٹیسٹ میچوں کی سیریز مکمل کرنے کے بعد انگلینڈ کا دورہ کرے گی، جہاں وہ تین ٹیسٹ میچوں کی سیریز کھیلے گی۔ یہ سیریز آئی سی سی ورلڈ ٹیسٹ چیمپئن شپ کا حصہ ہے۔